Sartu zure txokora












Samaniego Bloga
Elkarbizitza Proiektua

Samaniego Ikastetxea osatzen dugunok gure hizkuntza propioa den euskararen normalizazioaren alde agertzen gara.

Helburu hori bermatzeko Hizkuntza Normalkuntza  Plangintza euskarria sendoa  dugu. Hizkuntza plangintzarekin lortu nahi dena zera da:

  • Eskolan, barne funtzionamenduan nahiz kanpo harremanetan, euskararen erabilera normalizatzea. Beraz, gure komunitateko partaide guztiok, arlo guztietan eta ahal den neurrian euskaraz bizitzera konprometitzen gara, baita euskal kultura zabaltzera ere.
  • Euskararen erabilera ugaria, zuzena eta aberatsa lortzea, kalitatezkoa alegia. Euskara da beraz, erabilera hizkuntza, irakaskuntza eta ikaskuntza hizkuntza, baita harreman hizkuntza ere.

Jomuga horretarako antzematen diren hutsuneak eta zailtasunak murriztea izango da plangintzaren zereginetako bat. Era horretan, gure ingurunea euskalduntzeko ahaleginak egin behar ditugula ulertzen dugu, eta gurasoekiko harremanak ere euskaraz izan daitezen saiatuko gara, sektore garrantzitsu honetan euskarari dagokionean dagoen hutsuneari aurre egingo dion plangintza baten bitartez, beti ere, norberaren eskubideak errespetatuz eta adostasun bidea urratu eta gero.